राज्यातील प्राथमिक ,माध्यमिक व उच्च माध्यमिक शाळेतील विद्यार्थ्यांना सुट्टी जाहीर करणे तसेच शाळा सुरू करण्याच्या अनुषंगाने आदेश निर्गमित करणे बाबत...
राज्य मंडळ राज्यातील राज्य मंडळाच्या सर्व शाळा मधील विद्यार्थ्यांना दिनांक २१.०४.२०२३ पासून सुट्टी जाहीर.
शासन परिपत्रक : दिनांक: २०.०४.२०२३
राज्यामध्ये काही दिवसापासून तापमानामध्ये वाढ झाली असून सर्वत्र उष्णतेची लाट पसरली आहे. त्यामुळे प्रतिबंधात्मक उपाय म्हणून विद्यार्थ्यांना सुट्टी जाहीर करण्याची तसेच शाळा सुरू करण्याच्या अनुषंगाने निर्देश निर्गमित करण्याची बाब शासनाच्या विचाराधीन होती.
त्यानुसार या अनुषंगाने पुढील प्रमाणे सूचना देण्यात येत आहेत.
१) राज्यातील राज्य मंडळाच्या सर्व शाळांमधील विद्यार्थ्यांना दिनांक २१.०४.२०२३ पासून सुट्टी जाहीर करण्यात येत आहे .
२) राज्यातील इतर मंडळाच्या शाळा वेळापत्रकानुसार सुरू असल्यास अथवा अशा शाळांमध्ये महत्त्वाचे शैक्षणिक उपक्रम राबविण्यात येत असल्यास ,विद्यार्थ्यांना सुट्टी जाहीर करण्याबाबत शाळा प्रशासनाने त्यांच्या स्तरावर उचित निर्णय घ्यावा.
राज्यातील शाळा सुरू करण्याबाबत एक वाक्यता राहण्याच्या दृष्टीने विदर्भ वगळता सर्व विभागातील शाळा दरवर्षी दिनांक १५ जून रोजी व त्या दिवशी सुट्टी असल्यास त्याच्या पुढील दिवशी सुरू होतील व विदर्भ विभागातील शाळा दरवर्षी दिनांक ३० जून रोजी व त्या दिवशी सुट्टी असल्यास त्याचे पुढील दिवशी सुरू होतील .
सदर शासन परिपत्रक महाराष्ट्र शासनाच्या www.Maharashtra.gov.in या संकेतस्थळावर उपलब्ध करण्यात आले असून त्याचा सांकेतांक २०२३०४२०२००३३८८४२१ असा आहे हे परिपत्रक डिजिटल स्वाक्षरीने साक्षांकित करून काढण्यात येत आहे.
महाराष्ट्राचे राज्यपाल यांच्या आदेशानुसार व नावाने.
( इ.मु. काझी )
V सह सचिव ,महाराष्ट्र शासन
कोणत्याही टिप्पण्‍या नाहीत:
टिप्पणी पोस्ट करा